من اكتر الأخطاء اللي انا نفسي وقعت فيها وبالذات في بداية الcareer، هي عدم ظبط المواعيد.

في اعتقاد منتشر عند ناس كتير، بإن ظبط الشغل اهم من ظبط المواعيد، وان “مافيهاش حاجة لو اتاخرت يوم ولا اتنين، وان شاء الله لما العميل يشوف الشغل، هايكون متفهم، وهاينبسط وينسى اني اتاخرت”

بس فالحقيقة هو مابينساش، وعادةً بيفتكر الprocess اكتر من ال output، ده غير انك لما بتتأخر، انت بتقلل فرص الapproval لإنك مش بس بترفع سقف التوقعات، انما كمان بيكون العميل في حالة تربص نتيجة انه مش مبسوط.

التأخير بشكل عام بيضر اي بيزنس، لإن الوقت بفلوس، ولإن الوقت بالنسبة لأي عميل هو opportunity cost بتضيع عليه لما بتتأخر.

فا إنك تتأخر بدون اعتذار مسبق وبدون سبب وجيه، هو عدم احترام لوقت العميل، وبالتالي هو عدم احترام ليه هو شخصيًا.

من اهم صفات ال professional هو الtime management، عشان كدة مهم انك تتعود دايما تسيب buffer يعني وقت اضافي آمن قبل ماتحدد اي معاد. ودي من الأمور اللي تفرق بينك وبين الamateur، اللي بيضيع عليه فرص كتير مهما كان شاطر، لإنه بقى معروف فالسوق ان “مواعيده مش مظبوطة”، ودي سُمعة بتاخد وقت طويل عشان تتصلح.